මාලදිවයිනේ හිටපු ජනපති අත්අඩංගුවට

ත්‍රස්තවාදී චෝදනා යටතේ මාලදිවයිනේ හිටපු ජනාධිපති මොහමඩ් නෂීඩ් අත්අඩංගුවට ගෙන තිබේ.

හිටපු ජනාධිපතිවරයා අත්අඩංගුවට පත් වූයේ ඔහු විසින් සංවිධානය කර තිබූ රාජ්‍ය විරෝධී උද්ඝෝෂණය දියත් වීමට දින හයක් තිබියදී යි.

මොහමඩ් නෂීඩ් මාලදිවයිනේ ප්‍රජාතන්ත්‍රවාදී ලෙස තේරී පත් වූ ප්‍රථම ජනාධිපතිවරයා යි.

වත්මන් ජනාධිපති අබ්දුල්ලා යමීන් බලයට පත් වී පහළොස් මසක් ගත වෙද්දී මාලදිවයින යළිත් දේශපාලන වශයෙන් අස්ථාවර වන්නට පටන් ගෙන තිබේ.

රජය පෙරලා දැමීමේ කුමන්ත්‍රණයක යෙදුණු බවට චෝදනා කරමින් මෑතකදී ආරක්‍ෂක ඇමතිවරයා ද තනතුරින් පහ කර අත්අඩංගුවට ගෙන තිබුණි.

ඉස්ලාමීය රාජ්‍ය කැරලිකරුවන්ට එක් වීම සඳහා මාලදිවයින් ජාතිකයන් දෙසීයක් පමණ මැදපෙරදිග බලා ගොස් ඇති බවට විපක්ෂය පවසයි.

සටන්කාමීත්වයට වත්මන් රජය අනුබල දෙන බවට විපක්ෂය නගන චෝදනා මාලදිවයින් රජය දැඩි ලෙස ප්‍රතික්‍ෂේප කරයි.

මුලාශ්‍රය: බි බි සි සිංහල

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - [email protected] - +94 777 073 435