ඊයේ හඳුනාගත් කොරෝනා ආසාදිතයින් 27 දෙනා අතර UAE සිට පැමිණි 04ක්

කොරෝනා ආසාදනය වූ ලාංකිකයින් 27 දෙනෙකු ඊයේ (10) දිනයේදී මෙරටින් හඳුනාගෙන ඇති බව සෞඛ්‍ය අංශ තහවුරු කර තිබේ.

ඒ අනුව එලෙස හඳුනාගත් 27 දෙනා ඇතුළුව මෙරටින් වාර්තා වූ මුළු කොරෝනා ආසාදිතයින් ගණන 2871ක් දක්වා ඉහළ ගොස් ඇත.

රජයේ ප්‍රවෘත්ති දෙපාර්තමේන්තුව සඳහන් කරන පරිදි ඊයේ (10) වාර්තා වූ ආසාදිතයින් 27 දෙනාගෙන් 23ක් සේනපුර පුනරුත්ථාපන මධ්‍යස්ථානයේ නිරෝධායනයට ලක්වෙමින් සිටි රැඳවියන් වන අතර ඉතිරි සිව්දෙනා එක්සත් අරාබි එමීර් රාජ්‍යයේ සිට මෙරටට පැමිණ නිරෝධායනයට ලක්කර සිටි අය යි.

අදවනවිට රෝහල්ගතව ප්‍රතිකාර ලබන පිරිස 267ක් දක්වා අවම වී තිබෙන අතර කොරෝනා ආසාදනය වී ප්‍රතිකාර ලබමින් සිටි පුද්ගලයින් 14 දෙනෙකු පූර්ණ සුවය ලබා ඊයේ දිනයේ රෝහලෙන් පිටවී ගොස් තිබේ.

ඒත් සමඟ මෙරට සුවය ලැබූ මුළු ආසාදිතයින් ගණන 2593කි.

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - [email protected] - +94 777 073 435